مقدمه و مدخل للمشروع..

بسم الله الرحمن الرحيم..

طبعا كلنا هنا بنحاول نعمل شيء مفيد لبلدنا..و في مننا ناس بتقدر تنزل و تشتغل..و في ناس لظروف مختلفه مش بتقدر..لكن كلنا عندنا نفس الهدف و هو خدمة بلدنا..

في عملنا بنعتمد علي عدة مقومات : -    منها ..

-الرغبه الشديده اكيد في خدمة بلدنا و الدافع النفسي و العاطفي ده من اهم العوامل.

-الاعتماد علي مجهوداتنا الشخصيه من ناحية الافكار او تنظيم العمل او التنسيق مع المسئولين و النزول لميدان العمل بالفعل.

-التشجيع المستمر اكيد و وجود بوادر امل و ثمار لعملنا و ده بيدفعنا للاستمرار و الاصرار علي عمل المزيد.

-الادوات طبعا شيء مهم و الحصول عليها كان من تبرعات شخصيه لبعض الافراد و شراء بعض الادوات..او اشتراك بعض الجمعيات معنا في العمل و المشاركه بادواتهم..او مشاركة اعضاء الجروب بادوات شخصيه.

-الجانب المادي..و طبعا التمويل ده شيء مهم جدا..و هو اللي يقدر يحركنا فعملنا بشكل مؤثر جدا..

   -- وسائل الدعم المادي: طبعا كلنا عارفين..

              -تبرعات ذاتيه من اعضاء الجروب.    - او تبرعات بيجمعها اعضاء الجروب من الافراد المحيطين بهم.

  

هنا و من نقطة الجانب المادي تحديدا....

اعتقد ان التمويل المادي شيء مهم جدا...و اكيد المجهود و العدد الكبير فالعمل و الروح الجميله و الاحترام المتبادل من اعضاء الجروب دي عوامل اساسيه لكن الجانب المادي عامل مساعد جدا و مع توافر تمويل مستمر دا هيخلينا نقدر نوسع افكارنا و نقدر نشتغل اكتر بمجالات خيريه بناءه و مفيده للجميع و نقدر نطور من العمل العام لجروبنا..و دا هدفنا من البدايه و هو العمل العام في بلدنا بجميع جوانبه و اشكاله.